La leggenda di Colapesce

La genti lu chiamava colapisci
picchì stava 'ntò mari comu un pisci
dundi vinia nun lu sapia nessunu
fors'era figghiu di lu diu nettunu
un jornu a cola u re fici chiamari
e cola di lu mari curi e veni

o cola lu me regnu a scannagghiari
supra chi pidamentu si susteni

colapisci curri e va
vaiu e tornu maesta'
colapisci curri e va
vaiu e tornu maesta'

cussì si etta a mari colapisci
e sutta l'unni subbitu sparisci
ma pocu dopu chiasta novità
a lu regnanti colapisci da

maesta' li terri vostri
stannu supra tri pilastri
e lu fattu e' assai trimendu
unu gia' si sta rumpennu

o destinu meu 'nfelici
chi sventura mi predicichianci u re
comu aiu a fari
sulu tu mi po sarvari

colapisci curri e va
vaiu e tornu maesta'
colapisci curri e va
vaiu e tornu maesta'

su passati tanti jorna
colapisci nun ritorna
e l'aspettanu a marina
lu regnanti e la reggina
poi si senti la so vuci
di lu mari in superfici

maista' maista'
sugnu cca' sugnu cca'
'nta lu funnu di lu mari
chi nun pozzu cchiu' turnari
vui priati la madonna
staju riggennu la culonna
ca sinno' si spezzera'
e la sicilia sparira'
su passati tanti anni
colapisci è sempri ddà


A vuci da me Terra

Tu ca si luntanu
e nun canusci la me terra
e 'ntra lu so distinu
vidi sulu mafia e guerra.

Tu l'ha vistu mai all'arba u suli
quannu u mari l'arruspigghia
e cu so caluri asciuga lu suduri
di la me genti ca travagghia.

Tu l'ha vistu mai
u lustru di lampari
dintra li nostri cori
quannu puru u duluri
stancu di tuppuliari
addiventa amuri.

Si, tu mi po diri
picchi mi scrivi sulu cosi duci
senza mai numinari
tutti li cristi misi 'ncruci
e ti rispunnu
tu l'ha 'ntisu mai
a vuci da me terra
è na puisia
l'autri cosi
nun fannu parti
ne di la genti
ne di la terra mia.
(Michelangelo Balistreri)

SICILIA

C’è una terra bedda
Jittata ‘nta lu mari
Pari ‘na grossa petra
Pusata pi passari.

Cu’ arriva si ci appoja
Ma nun ci vo’ ristari
Ognunu n’apprufitta
Pìgghia zoccu ci pari.

Quanti dominazioni
Quanti paroli santi
Ma chi lintizza poi
Pi scégghiri ‘u chi fari.

Pur’iu chi ci nascivu
Un jornu la lassai
Sugnu tantu luntanu
E spinnu pi turnari.

Vìdiri Mungibeddu
Li ménnuli ciuruti
La casa unni nascivu
L’amici, ‘u primu amuri.

Dintra a ‘stu mari nostru
C’è un’isula bedda
Nun è na petra grossa
Pi mia è ‘na minnedda